Бүгін Айыртау аудандық мәдениет үйінде Мұғалімдер күніне арналған салтанатты іс-шара өтті. Бұл – әрбір балаға білім, қамқорлық пен шабыт сыйлайтын ұстаздарға алғыс білдіретін ерекше мереке.
Біздің бөбекжай-бақша педагогтерінің лайықты марапаттарға ие болғанын мақтанышпен хабарлаймыз:
Кожатаева Маншук Бекболатовна – Айыртау ауданының әкімі атынан ауданның білім беру жүйесін дамытуға қосқан зор үлесі және Мұғалімдер күні мерекесіне орай Құрмет грамотасымен марапатталды.
Амержанова Динара Темешовна – Қазақстан Республикасы Оқу-ағарту министрлігінің Құрмет грамотасымен марапатталды. Бұл марапат оған тәуелсіз Қазақстанның рухани және әлеуметтік дамуына қосқан зор үлесі мен еліміздің өркендеуіне сіңірген еңбегі үшін берілді.
Құрметті әріптестерімізді жоғары марапаттарымен шын жүректен құттықтаймыз! Әр ұстаздың еңбегі әрдайым бағаланып, шәкірттері табыстарымен және игі істерімен қуанта берсін!