Біздің бөбекжай-бақшамызда Қазақстан халқының бірлігі күніне арналған «Достық керуені» атты мерекелік жәрмеңке өтті.
Іс-шараның мақсаты- балалардың бойында мейірімділік, ұйымшылдық және әртүрлі ұлт өкілдеріне деген құрмет сезімін тәрбиелеу.
Мерекелік іс-шараның басында балалар әртүрлі ұлт өкілдері ретінде сахнаға шығып, өз мәдениеттерінің ерекшеліктерімен қысқаша таныстырды.
Кейін олар ұлттық ойындарды көрсетіп, оған басқа топтардың тәрбиеленушілерін қатыстырды.
Іс-шараның соңында қонақтарға ұлттық тағамдар жәрмеңкесі ұйымдастырылды.
Мереке балаларға жарқын әсер қалдырып, достық пен сыйластықтың бәрімізді біріктіретінін тағы бір мәрте ұғындырды.
Мерекені ұйымдастыруға көмектескен ата-аналарға шын жүректен алғысымызды білдіреміз.